Sálarfrøðingur ella sálarviðgeri til Beran

11. jul. 2024 | Tíðindi

Berin hevur eitt áhugavert og avbjóðandi starv sum sálarfrøðingur ella sálarviðgeri leyst at søkja.

Brennur tú fyri at gera ein mun fyri børn, ung og foreldur, sum hava mist ella hava avvarðandi, sum eru rakt av álvarsamari sjúku? Og at vera við til at menna hjálpina og yrkisførleikarnar innan sorg og trauma? So er hetta rætta starvið til tín.

Talan er um farloyvistarv í eitt ár við góðum møguleika fyri longdari starvssetan. Starvstíðin er í høvuðsheitum í dagtímunum.

Um Beran

Berin er ein tvørfakligur, landsfelagsskapur, sum hevur verið virkin síðani 2003. Endamál Berans er:

Stuðul og hjálp til børn, ung ella foreldur, ið hava mist ella hvørs avvarðandi eru rakt av álvarsamari sjúku
Vegleiðing og ráðgeving
Kunnandi og fyribyrgjandi virksemi
Harumframt er Berin við í eini eitt ára verkætlan at veita ukrainskum flóttum stuðul og hjálp í mun til sorg, kreppu og trauma

Arbeiðsuppgávur

Stuðlandi samrøður og sálarfrøðilig viðgerð
Einstaklinga- og familjusamrøður
Bólkaleiðsla/bólkaviðgerð
Ráðgeving, vegleiðing
Sparring/supervisión
Íverksetan av nýggjum tiltøkum
Kunnandi virksemi t.d. miðlan og framløgur/undirvísing innan sorg, kreppu og trauma
Annað fyrifallandi arbeiði

Talan er um sjálvstøðugar arbeiðsuppgávur, har tú í samstarvi við leiðsluna, fær møguleika til at ávirka og menna arbeiðsøkið og framtíðarkósina hjá Beranum.

Førleikar

Tú hevur útbúgving sum sálarfrøðingur ella sálarviðgeri
Tú hevur góð umsorganar- og samstarvsevnir
Tú megnar og sær fyrimunir í at arbeiða tvørfakligt
Tú hevur viðkomandi kunnleika til almennar myndugleikar og samstarvsfelagar

Setanar- og lønarviðurskifti

Starvsheitið er sálarfrøðingur ella sálarviðgeri, setanar- og lønartreytir eru sambært avvarandi sáttmála. Setanarstaðið er Berin, Niels Finsensgøta 32, Tórshavn.

Umsókn

Skrivlig umsókn við avritum av prógvum, CV, viðmælum v.m. skal sendast til berin@berin.fo

Freist

Umsóknir skulu vera okkum í hendi í seinasta lagi 4. Aug. 2024.

Nærri upplýsingar um starvið fáast við at venda sær til Oddvør Poulsen, leiðara, tlf. 222993.