Minnisgáva í samband við jarðarferð

Vit eru ómetaliga takksom og eyðmjúk, um at tú ynskir at stuðla arbeiðinum hjá Beranum. Allur stuðul til Beran er kærkomin, so vit kunnu hjálpa flest møguligum børnum og ungum, ið hava mist ella hava álvarsliga sjúkt foreldur ella systkin, og foreldrum, ið hava mist barn.

Tá ið Berin fær minnisgávur í samband við eina jarðarferð, verður takkarbræv sent til avvarðandi. Í brævinum stendur m.a. samlaða upphæddin, sum kom inn og nøvnini á øllum teimum, ið lótu eina minnisgávu. Í Hesum sambandi er umráðandi at tit sum avvarðandi upplýsa búðstaðin, sum takkarbrævið skal sendast til. Antin við at senda eini boð til berin@berin.fo ella á tlf. 222993.

Umráðandi er at minnast til at viðmerkja navnið á viðkomandi, ið fer til gravar.

Tú kanst eisini geva minnisgávu við at gera eina bankaflyting til eitt av niðanfyristandandi kontonumrunum. Berin hevur konto í øllum peningastovnum.